Pangèran Katon dan 3 Lubang Keselamatan

TARÈKA DIMADURA—Mon terro salameddhâ, raksa eppa' bi' emma'na. Polana ghânèko sè èkoca' pangèran katon.

San-mèsan, pènta sangkolanna eppa' moso emma'na sè bâḍâ è bhâdhân. Cokop jârèya la salamet dhunnya kantos akhèraddhâ. Apa sè èmaksod sangkolanna eppa' moso emma'?

Pangèran aparèng sangkolan erro (roh) sareng kelbhu' (kalbu). Rusulallah aparèng nor cahjâ (nur muhammadiyah). Rèng seppo ḍuwa' aparèng otek, ora', tolang, somsom, obu', ḍârâ, dhâghing, kolè' dhâddhi bhâdhân rèya.

Baca Juga:Antusias Masyarakat Rendah di Job Fair 2024, Disnaker Sumenep Optimis Akan Gelar Job Fair 2025

Ghânèko bânnè carèta, bhâli' èlmo bhâdhân sè sanyatana. Bân ajjhâ' kantos kaloppaèn, jâgâ bân kaènga'èn tello' (3) lobâng sè bisa aghibâ kasalameddhân neng è alam dhunnya kantos alam barzah.

Tello' lobâng jârèya: sèttong, ḍâri ḍimma bâ'na kalowar ka dhunnya? Ḍuwa', raksa lobâng-lobâng sè bâḍâ è bhâdhân ajjhâ' kantos èpaso'èn bhârâng haram bân ma'sèyat. Tello', è ḍimma lobângnga bâ'na sa'ellanna nyabâ la èdhâbu' bân sè Kobâsa?

Kompas jhâlânna kaoḍi'ân neng è dhunnya ta' lopot ḍâri 2 parkara: jhubâ' beccè', bârâ' tèmor, ḍâjâ lao', attas bâbâ, lakè' binè', terros ka ponca akhèrra: sowarghâ otabâ naraka.

Baca Juga:Oknum Legislator Komisi III DPRD Sumenep Diduga Rutin Cairkan Perdin Tanpa Kehadiran

Ghâris laèn, bârâmma carana atèngka ḍâ' bângaseppo sè empa': bhâpa', bhabhu',  ghuru, rato?

Jhângkep pokparana. Pèghâ' kaok komandhinna. Kaloḍu' èssèna, kantos tandhuk ḍâ' poket sadhâjâ baburughân tor panastèssa orèng seppo kona, èngghi ka'ḍinto karidâ'ân tor rahmaddhâ Allah Swt jhughân syafa'addhâ Kanjeng Nabbhi Mohammad Saw.

---

Okara bahasa Madura di atas merupakan cuplikan percakapan antara penulis dan sahabat sedesa: Ahmad Zaini Brek.

Melalui media WhatsApp, kami berdiskusi perihal makna hidup dan bagaimana cara menempuhnya; menempuh waktu dalam usia yang sementara ini.