Masjid Jami'
Masjid se dhimin ebangon sareng ulil amri
Mangken coma ekagabay tempat a-selfie
----------
Mencar
Saamponna tello bulan tello lekor are Ate rassa petteng tadha’ nera’e
Bulan tor bintang ta’ etangale Kaalang loka se tamba raja sabban are
Le’, dika amet entara ka pasar Tape le-molena dika menta mencar
Ampon pa’-taon pa’-bellas bulanan Bula ban dika apolong tadha’ cocoban
Maddha kaneserre ana’na Sabban malem nanges atanya emma’na
Para’ Peleyan
Bila ampon para’ peleyan Bannya’ oreng anyar entar ka taneyan Apareng pan-saponapan bantowan Dha’ magarsare disa se loman
Sabatara e kottha, magarsare oneng Ja’ se ebagi garowa laggu’ daddi ladding Se bisa ngerra’ ponapa bisaos
Tamaso’ iman tor agamana se khos
Ajjiyan
Sabban taon bannya' oreng entar ka Mekka Kaangguy ajji tor umroh
Sabban bulan bannya' oreng entar ka Madinah Kaangguy adu'a neng e pasareyannepon Rasulullah
Tape saellana mole ka Indonesia Rassaepon sakone' se ekatarema
Sabab atena loppa ta' ebakta Otaba neyadda se pajat sala
Nyoppre Barokah
Neng e astaepon Sayyid Yusuf Talango Langkong malem Kemmis tanggal dhupolo
Aba’ ajaring berkat Adu’a menta sehat Dha’ Pangeran se agandhu’ rahmat
Atawassul kalaban esto Nyoppre barokaepon wali penggir polo
Sabellun gubar tasbi ebitong Nyo’on odhi’ tamba ontong
*) Kiko Anwar, Komika Sumenep, Jama'ah Ngaji Teater Language Theatre Indonesia.
